"Qarabağ"dan tarixi qələbə

Bu gün UEFA Avropa Liqasında qrup mərhələsinin IV turunun oyunları keçirilib.

Trend-in məlumatına görə, "Qarabağ" Yunanıstanda PAOK-un qonağı olub.

Qarşılıqlı hücumlar şəraitində keçən oyunda bir qol qeydə alınıb. 68-ci dəqiqədə Miçelin dəqiq zərbəsi Ağdam təmsilçisinə 3 xal qazandırıb - 0:1.

Beləliklə, J qrupunda "Fiorentina" 10 xalla liderlik edir. 7 xallı "Qarabağ" 2-ci, 4 xallı PAOK isə 3-cüdür.