Yanacaq daşıyan maşının aşması nəticəsində Ələt-Astara magistralı bağlanıb

Lənkəran rayonunun Liman şəhərində yol-nəqliyyat hadisəsi baş verib. APA-nın xəbərinə görə, Ələt-Astara magistralının Liman şəhərindən keçən hissəsində “Ford” markalı mikroavtobusla ZİL markalı benzin daşıyan maşınla toqquşub.

Güclü zərbədən ZİL markalı maşın aşıb, benzin yola dağılıb.

Hazırda Ələt-Astara magistralı bağlanıb.

Hadisə yerinə Fövqəladə Hallar Nazirliyinin əməkdaşları gəlib, yola dağılan yanacağın təmizlənməsi üçün tədbirlər görülür.