ABŞ-da 6,5 bal gücündə zəlzələ baş verib

ABŞ-ın Kaliforniya ştatı sahillərində 6,5 bal gücündə zəlzələ baş verib.

APA-nın “Gazeta.ru”ya istinadən verdiyi xəbərə görə, bu barədə ABŞ-ın Geoloji Xidmətinin məlumatında bildirilir.

Məlumata görə, yeraltı təkanlar Bakı vaxtı ilə 18.49-da qeydə alınıb. Zəlzələnin episentri Ferndeyl şəhərindən 165 km qərbdə, 10 km dərinlikdə qeydə alınıb.

Dağıntılar barədə məlumat verilmir. Sunami haqqında xəbərdarlığa dair hələlik məlumat verilməyib.