Faiq Ağayev gileyləndi: Səy yığınıdır!

Belə də zülm olar? Konsert keçirəcəyim haqda xəbəri eşidər-eşitməz, yenə köhnə üsullara əl atıb, hücuma keçiblər.


Live.Az xəbər verir ki, bu sözləri xalq artisti Faiq Ağayev sosial şəbəkədə yazıb.

Müğənni bildirib ki, konsert üçün dövriyyəyə saxta dəvətnamə buraxıblar:

"Belə də zülm olar?

Konsert keçirəcəyim haqda xəbəri eşidər-eşitməz, yenə köhnə üsullara əl atıb, hücuma keçiblər.

İşimə pəl vurmaqdan ötrü bilmirlər daha nələr etsinlər.

Bir həftədir ki, dövriyyəyə su qiymətinə saxta "dəvətnamə" atıblar - susuram.

İndi də başlayıblar şayiə buraxmağa ki, guya konsertdə fonoqramla oxuyacağam.

Gözünüz nə vaxt doyacaq? Dil-ağzınız nə vaxt yalandan usanacaq? Adam deyillər e, səy yığınıdır!

Camaatı gic yerinə qoymusuz?! Kiriyin də!!!".


Xatırladaq ki, dekabrın 29-da xalq artisti Faiq Ağayev ölkənin əsas səhnəsi olan Heydər Əliyev Sarayında növbəti solo konsert proqramı ilə çıxış edəcək. Sənətkarın 45 illik yubileyinə təsadüf edən proqram "F.A Made in Azerbaijan" adlanır. 3 saatlıq konsert proqramında müğənni yeni mahnıları ilə yanaşı, yaddaşlardan silinməyən hitlərini də səsləndirəcək.