Rusiya XİN: Səfir dünyasını dəyişib [Video]

Rusiyanın Türkiyədəki səfiri Andrey Karlov sui-qəsd nəticəsində dünyasını dəyişib.

APA-nın TASS agentliyinə istinadən verdiyi xəbərə görə, bunu Rusiya XİN-in rəsmi nümayəndəsi Mariya Zaxarova bəyan edib.

“Bu gün Rusiya diplomatiyasının faciəvi günüdür. Ankarada rəsmi tədbirdə ağır yaralanan səfir Andrey Karlov dünyasını dəyişib”, deyə M.Zaxarova bildirib.

***


Təsdiqlənməmiş məlumatlara görə, silahlı hücumdan sonra Rusiyanın Türkiyədəki səfiri Andrey Karlov dünyasını dəyişib.

Bu barədə RİA Novosti agentliyinə məlumatlı mənbə bildirib.

Rusiya XİN-in rəsmi nümayəndəsi Mariya Zaxarova bildirib ki, hadisə ilə əlaqədar rəsmi Moskva Türkiyə hökuməti ilə davamlı əlaqə saxlayır.

***

Silahlı hücumdan sonra Rusiyanın Türkiyədəki səfiri Andrey Karlov dünyasını dəyişib.

Bu barədə RİA Novosti agentliyinə məlumatlı mənbə bildirib.


***

20:34

Rusiyanın Ankaradakı səfirliyinə silahlı hücum olub.

APA-nın “Milliyet”-ə istinadən verdiyi xəbərə görə, insident fotosərginin açılışı zamanı baş verib.

Sərgi salonuna daxil olan naməlum silahlı şəxs səfirə atəş açıb. Onun ağır vəziyyətdə xəstəxanaya çatdırıldığı bildirilir.

Rusiyanın Ankaradakı səfirliyi olayla bağlı hələ ki, açıqlama verməyib.