“İnter”in futbolçusu “Qarabağ”a keçir

“İnter”in hücumçusu Ağabala Ramazanov karyerasını “Qarabağ”da davam etdirəcək. Bu barədə APA-ya milli komandamızın üzvünün qardaşı Zaur Ramazanov məlumat verib.

O bildirib ki, tərəflər arasında artıq hərtərəfli razılıq əldə edilib: “Mən Ağabalanın “Neftçi”yə keçəcəyini gözləyirdim. Sonra o özü mənə zəng vurub soruşdu ki, “Qarabağ”dan təklif var, nə edim? Mən də dedim ki, keç, Allah xeyir versin”.

Ramazanov qardaşının “Qarabağ”la il yarımlıq müqavilə imzalayacağını söyləyib.