"Beşiktaş"a yeni baş məşqçi gətirildi

İstanbulun "Beşiktaş" klubu yeni baş məşqçisinin adını açıqlayıb. Live.az-ın Türkiyə mətbuatına istinadən verdiyi məlumata görə, klub xorvatiyalı Slaven Biliçlə 3 illik müqavilə imzalayıb. "Ağ-qaralar" 3 il ərzində S. Biliçə 4 milyon 800 min avro ödəyəcəklər.


Qeyd edək ki, Slaven Biliçin klub komandalarında işləmək təcrübəsi azdır. Baş məşqçi Xorvatiya millisinin sükanı arxasından ayrıldıqdan sonra 2012-ci ildə Moskva "Lokomotiv"i ilə müqavilə imzalamışdı.


"Lokomotiv"in uğursuz mövsüm keçirməsinin ardından Biliç istefaya göndərilib.