Harley-Davidson Bakı dilerliyi nümayəndələri Şəkiyə yürüş edəcək

Şəkidə Şəki İcra Hakimiyyətinin, Amerika Səfirliyinin təşkilatçılığı ilə Filligar Amerikalı Rok qrupunun konserti keçiriləcək. Konsert iyun ayaının 29-da saat 17:30-da baş tutacaq. Bununla bağlı olaraq Harley-Davidson Bakı dilerliyi nümayəndələri, H.O.G. Azərbaycan və onun dostları Şəkiyə yürüş təşkil edəcəklər.

Qeyd edək ki, bu ilk yürüş deyil. Belə ki, bir müddət bundan əvvəl Harley-Davidson Bakı dilerliyi nümayəndələri, H.O.G. Azərbaycan və onun dostları Qubaya da yürüş təşkil edib.

Xatırladaq ki, bu il Harley-Davidson öz 100-cü və Harley Owners Group® (H.O.G.) özünün 30-cu ildönümünü qeyd edirlər. H.O.G.–“Harley-Davidson”-un rəsmi sürücülük klubudur. H.O.G. üzv olmanın üstünlükləri, üzvlük seçimləri və tədbirlərin geniş çeşidini təklif edir.

“Harley-Davidson”-un Azərbaycandakı rəsmi təmsilçisi “Azman Co” şirkətidir.