Miller: Türkiyə Rusiya qazının əsas idxalçısı ola bilər

Yaxın vaxtlarda Türkiyə Almaniyanı keçərək «Qazprom»un yanacağının ən iri idxalçısı ola bilər. APA-nın məlumatına görə, «Qazprom»un rəhbəri Aleksey Miller belə bir bəyanatla çıxış edib.

«Biz yaxın vaxtlarda Türkiyə ilə müqavilələrdə maksimal həcmə - 30 milyard kubmetrə qalxa bilərik, bu isə 20% artımdır. Türkiyə yaxın vaxtlarda Almaniyanı ötüb bizim ən iri idxalçımız ola bilər», deyə o bildirib.

Onun sözlərinə görə, 2013-cü ildə şirkətin Avropa və Türkiyəyə satışlarının ümumi həcmi 160 milyard kubmetri keçə bilər.