Azərbaycanda meşə torpaqlarının icarəyə verilmə müddəti 5 dəfə artırılır

Azərbaycanda meşələrin bərpası məqsədi ilə torpaqların icarəyə verilmə müddəti 5 dəfəyədək artırılır.

Milli Məclisdən verilən məlumata görə, bununla bağlı Meşə Məcəlləsinin 22-ci maddəsinə dəyişiklik edilir.

Dəyişikliyə əsasən, meşə bitkiləri ilə örtülü olmayan meşə və qeyri-meşə torpaqları meşələrin bərpası məqsədi ilə təyinatı üzrə meşə istifadəçisinə (icarəçi) müqavilə əsasında müvafiq icra hakimiyyəti tərəfindən 1 ildən 49 ilədək icarəyə verilə biləcək.

Hazırda isə bu müddət 1 ildən 10 ilə qədərdir.

Layihə Milli Məclisin plenar iclasına tövsiyə olunub və fevralın 14-də keçiriləcək iclasında müzakirəyə çıxarılacaq.


APA