Samiraldo DJ Fateh haqda sərt danışıb

DJ Fatehin dedikləri stilisti özündən çıxarıb

"Bomba" mükafatlandırma mərasiminə stilist Samiraldo dəvət olunsa da, ona mükafat təqdim olunmayıb və o, mərasimi əliboş tərk edib. Əvəzində sosial şəbəkədə "bomba partladan" nominasiyasında Hüseyn Əzizoğlu mükafat alıb.

"Beşinci element" verilişində isə Samiraldonun mükafat almamasını belə şərh edib: "Samiraldonu qalib seçən mükafatlandırma mərasimi heç vaxt mötəbər ola bilməz".

Live.az xəbər verir ki, İstiPress-ə açıqlama verən stilist Samiraldo DJ-in bu sözlərindən qəzəblənib:

"Mən oranın təşkilatçılarını çox gözəl tanıyıram və onlara hörmətim var. Amma Fateh kimdir axı? Özünü qoyub dağ başına. Əhəmiyyətli DJ də deyil. Önəmli insan deyil o. Məni bəyənmirdilərsə, mərasimə niyə dəvət edirdilər? Mənim üçün əsas mükafat deyil. Əsas sadə insanların sevgisidir".

Stilist mərasimə qatıldığına görə peşmançılıq çəkdiyini də dilə gətirib:

"Peşman oldum ora getməyimə. Mən oranı yüksək səviyyədə təşkil olunmuş mərasim bildim. Getdim gördüm ki, çox şey geydirmə idi. Mən Hüseyn Əzizoğlunun xətrini çox istəyirəm. 2016-cı ildə sosial şəbəkədə partlayış edən mən olmuşam. Hüseyn yox. Hüseyn 2014-15-ci illərdə partlayış edib. 2016-cı ildə mənim işlətdiyim "Açıldı", "Aayyy", "Qəhrəman" sözləri tarixə düşdü. İndiyədək deyilir. Ölmür bu sözlər. Mən "Açıldı" sözü ilə hörmət, sevgi və pul qazanmışam. İllərlə arzuladığım şeyləri bu söz vasitəsilə qazanmışam".

Samiraldo onu aşağılayan DJ Fatehə ismarış da göndərib:

"Mən DJ Fatehdən min dəfə səviyyəliyəm. Mən ondan min dəfə hörmətliyəm. Axı o kimdir? Mən onu heç saymıram. Mənim üçün o, hörmətli insan deyil. Mənim üçün DJ Fateh səviyyəsiz insandır. Əgər mənim adımı çəkməklə özünə reklam qazanırsa, kül onun başına!"