Çempionlar Liqasının 1/4 final mərhələsinin püşkü atılıb

Bu gün Çempionlar Liqasının 1/4 final mərhələsinin püşkü atılıb. İsveçrənin Nyon şəhərində keçirilən tədbirdə qitənin ən nüfuzlu klub turnirində çıxışını davam etdirən 8 komanda 4 cütlüyə bölünüb.

Bu mərhələdə 5 ölkə, yalnız “Böyük beşlik” təmsilçisi çıxış edir. Belə ki, 1/4 finalda İspaniya 3, Almaniya 2, Fransa, İtaliya və İngiltərə hərəyə 1 komanda ilə təmsil olunacaq.

Kor püşk nəhəngləri üz-üzə qoyub. Belə ki, “Bavariya” ilə “Real”, “Yuventus”la “Barselona” bir-birinə rəqib olub.


Çempionlar Liqası
1/4 final
(11/12 və 18/19 aprel)
“Atletiko” (İspaniya) - “Lester” (İngiltərə)
“Borussiya” (D, Almaniya) - “Monako” (Fransa)
“Bavariya” (Almaniya) - “Real” (İspaniya)
“Yuventus” (İtaliya) - “Barselona” (İspaniya)