UNİSEF: Azərbaycan uşaq hüquqları sahəsində tərəqqiyə nail olub

Ailə, Qadın və Uşaq Problemləri üzrə Dövlət Komitəsinin sədri Hicran Hüseynova UNİSEF-in Nyu-Yorkdakı mənzil qərargahının proqramlar bölümü rəhbərinin müavini Syuzan Sottoli və BMT-nin Uşaq Fondunun Azərbaycan nümayəndəliyinin rəhbəri Mark Herevardla görüşüb.


Hicran Hüseynova görüşdə qeyd edib ki, UNİSEF və Azərbaycan 20 il ərzində sıx əməkdaşlıq edib. Onun sözlərinə görə, UNİSEF-lə sıx əməkdaşlıq çərçivəsində və Heydər Əliyev Fondunun prezidenti Mehriban Əliyevanın dəstəyi ilə Azərbaycan qanunvericiliyinə dəyişiklik edilib və qızlar üçün nikaha girmə yaşı 18 yaşa qaldırılıb.


Syuzan Sottoli Ailə, Qadın və Uşaq Problemləri üzrə Dövlət Komitəsinin uşaq hüquqlarının inkişafı istiqamətində mühüm rol oynadığını, Azərbaycanın bu sahədə tərəqqiyə nail olduğunu deyib.