Bakıda mənzildən 35 min manat və 10 min dollar oğurlanıb

Bakıda mənzildən külli miqdarda pul oğurlanıb.

Daxili İşlər Nazirliyinin mətbuat xidmətindən APA-ya verilən məlumata görə, Xətai Rayon Polis İdarəsinin 35-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində mayın 2-də rayon ərazisindəki evlərdən birindən 35 000 manat və 10 000 ABŞ dolları oğurlamaqda şübhəli bilinən Bakı şəhər sakinləri Arif Ramazanov və bir yeniyetmə tutulublar.