Azərbaycan millisi FİFA-nın reytinqində irəlilədi

FİFA milli komandaların növbəti reytinq cədvəlini açıqlayıb. Trend-in qurumun saytına istinadən yaydığı xəbərə görə, Azərbaycan millisi bir pillə irəliləyərək 117-ci pilləyə qalxıb.

DÇ-2014-ün seçmə mərhələsində Azərbaycan millisi ilə eyni qrupda yer alan Portuqaliya 7-ci (-1), Rusiya 17-ci (-6), İsrail 64-cü (-2), Şimali İrlandiya 111-ci (+5), Lüksemburq isə 141-ci (+4) yeri tutur.

Reytinq siyahısına əvvəlkitək İspaniya millisi başçılıq edir. Almaniya millisi isə ikincidir. Argentina isə bir pillə geriləyərək üçüncü yeri itirib. Onu siyahıda dörd pillə irəliləyişə nail olan Kolumbiya yığması əvəzləyib.