"İnter" Avropa Liqasında ilk oyununda evdə heç-heçə oynayıb

Bu gün UEFA Avropa Liqasının II təsnifat mərhələsinin növbəti oyunları keçirilir.


"İnter" klubu "Bayıl Arena" stadionunda ilk oyununa çıxıb. Bakı təmsilçisi Finlandiyanın "Mariehamn" klubunu qəbul edib.


Matçda ilk qol bakılılardan gəlib - 7-ci dəqiqədə Asif Məmmədov fərqlənib. 72-ci dəqiqədə isə Petteri Yokihara hesaba tarazlıq gətirib (1:1).


Matç elə bu hesabla da başa çatıb.


Oyunu litvalı hakim Serqeyus Sliva idarə edib.


Bu komandalar arasında cavab oyunu iyulun 11-də keçiriləcək.