Beyləqanda avtomobil işıq dirəyinə çırpılıb, iki nəfər ölüb

Beyləqan şəhərində ağır yol qəzası baş verib.

Hadisə şəhərin Nəriman Nərimanov prospektində qeydə alınıb.

Rayon sakini, 1986-cı il təvəllüdlü Elşad Talıbovun idarə etdiyi “Hyundai” markalı, 10 OK 610 dövlət nömrə nişanlı avtomobil idarəetmədən çıxaraq işıq dirəyinə çırpılıb.

Nəticədə sürücü və maşında olan sərnişin, 1986-cı il təvəllüdlü Hikmət Mahmudov aldıqları xəsarətdən ölüb.

Faktla bağlı cinayət işi başlanıb, istintaq gedir.



APA