Meyxanaçılar toyda əlbəyaxa olduları məqama aydınlıq gətirdi [Video]

Meyxanaçı Nicat Mənalı həmkarı Rəşad Dağlı ilə aralarında olan qalmaqala münasibət bildirib.

Live.az xəbər verir ki, lent.az-a açıqlama verən meyxanaçı həmkarı ilə aralarında yaşananları bu cür izah edib: “Ümumiyyətlə həyatda hər şey göründüyü kimi deyil. Rəşad da mən də hər gün el şənliklərində olan insanıq. Onun da sinirləri var, mənim də. Sadəcə meyxanada belə bir şey var ki, deyişmədə kimsə mənə nəsə deyirsə, mən də cavab verməliyəm. Orda isə meyxana zamanı bir dəfə Rəşad dedi, daha sonra digər meyxanaçılar. Mən cavab vermək istəyəndə isə imkan vermədilər. Bir neçə dəfə sözümü kəsdiklərinə görə məcbur olub qafiyəni saxladım. Saxlamaqda da məqsədim o idi ki, səliqə-səhman yaransın, böyüyə hörmət olunsun. Mən 21 ildir ki, meyxana deyirəm. Dedim, ustadlara şərait yaradın ki, söz deyilsin. Sadəcə, mən ritmi dayandıranda Rəşad elə bildi ki, mən qafiyəni buna görə saxlayıram. Rəşada bu təsir etdi. Düzdür, mənim də qafiyəm saxlanılsa, mənə pis təsir edər. Amma bir balaca səbr etmək, meyxananı niyə saxlatdırdığımı öyrənmək lazım idi. Sonradan niyyətimi bildi. Rəşadla dostuq, bir-birimizin xeyirinə-şərinə gedən insanlarıq. Sadəcə, meyxananı mən saxlatdıranda kənardan 1-2 nəfərlər dedilər ki, niyə saxlatdı? Bu sözlər də ona təsir etdi. Videoda görünür ki, mən stola necə yaxınlaşmışam. Onu dava kimi qələmə verdilər”.

N.Mənalı müsahibə zamanı R.Dağlıyla əlaqə saxlamağa çalışsa da, həmkarına zəng çatmadı: “Mən ona zəng etdim zəng çatmadı, daha sonra qardaşı ilə danışdım. Dedim ki, bizim Rəşadla bu günə qədər heç bir problemimiz olmayıb. Niyə belə yazıblar? Sadəcə, həyatda elə insanlar var ki, xırda şeyi böyüdüb dağ edirlər. Elə bizim bu söz-söhbətimizi də. Rəşada demək istəyirəm ki, sən qardaşsan, dostsan. Son olaraq bir məsəl var, onu demək istəyirəm. Adam dost bildiyi adama sillə atmaz. Rəşad mənim dostumdur”.

Qeyd edək ki, N.Mənalı ilə R.Dağlı arasındakı söz davası Masallının Boradigah kəndində keçirilən toy mərasimində olub.




***

Masallının Boradigah kəndində keçirilən toy mərasimində meyxanaçılar arasında dava düşüb.

Live.Az A24.Az-a istinadən xəbər verir ki, kənd sakini Hacı Etibarın oğlu Turalın toyuna gələn meyxanaçı Rəşad Dağlı ilə Nicat Mənalı aralarındakı deyişmədən sonra əlbəyaxa olublar.

Davaya səbəb isə Nicatın Rəşad Dağlının açdığı qafiyəni saxlatdırmasıdır. Buna qəzəblənən Rəşad həmkarına hücum çəkib. Nəticədə toy da yarımçıq dayandırılıb.

Daha sonra Rəşad Dağlı və Bakıdan onunla birlikdə gələn Vüqar Biləcəri toyu tərk edib.





***

Biz Rəşad Dağlı ilə dalaşmamışıq.

Live.az Oxu.Az-a istinadən xəbər verir ki, bunu Masallının Boradigah kəndində keçirilən toy mərasimində meyxanaçılar arasında düşən davaya münasibət bildirən Nicat Mənalı deyib.

O bildirib ki, toyda Rəşad Dağlı və Orxan Lökbatanlı qafiyə tutub.

“Sadəcə, deyişmə zamanı məclisdə olan gənc meyxanaçılar mənim Rəşada və Orxana cavab verməyimə imkan vermədilər. Dəfələrlə onlara xəbərdarlıq etsəm də, alınmadı. Bundan əsəbiləşərək, meyxananı saxladım”.

Meyxanaçının sözlərinə görə, bunu Rəşad Dağlı düz anlamayıb və onun sözünün kəsilməsi kimi başa düşüb.

Nicat Mənalı Rəşad Dağlı ilə məsələni yoluna qoyduqlarını və aralarında heç bir narazılığın qalmadığını deyib.

***

Masallının Boradigah kəndində keçirilən toy mərasimində meyxanaçılar arasında dava düşüb.

Live.Az Qafqazinfo-ya istinadla xəbər verir ki, kənd sakini Hacı Etibarın oğlu Turalın toyuna gələn Rəşad Dağlı və Nicat Mənalı aralarındakı deyişmədən sonra əlbəyaxa olublar.

Davaya səbəb isə Nicatın Rəşad Dağlının açdığı qafiyəni saxlatdırmasıdır. Buna qəzəblənən Rəşad həmkarına hücum çəkib. Nəticədə toy da yarımçıq dayandırılıb.

Daha sonra Rəşad Dağlı və onunla birlikdə gələn Vüqar Biləcəri toyu tərk ediblər.