Messinin xet-triki Argentina yığmasını "DÇ-2018"ə yüksəltdi

Futbol üzrə Argentina yığması Ekvador üzərində 3:1 hesablı qələbə qazanaraq 2018-ci Dünya Çempionatının final mərhələsinə yüksəlib.


Trend-in TASS-a istinadən verdiyi məlumata əsasən, oyun Ekvadorda keçirilib. Argentinalıların hücumçusu Lionel Messi xet-trikə imza atıb (12, 20, 62-ci dəqiqələr). Meydan sahiblərindən isə Romario İbarra fərqlənib.