Şahdağ Qış-Yay kompleksində yeni əyləncə

Qış aylarında minlərlə turisti qəbul etmiş Şahdağ Qış-Yay Turizm kompleksi bu günlərdə yeni yay mövsümunun açılışını edəcək.


ANS-in verdiyi məlumata görə, bu il turistlərə yeni əyləncə növləri təklif ediləcək. Kompleksin texniki nəzarət şöbəsinin rəisi Cavid Hüseynovun sözlərinə görə, qış mövsümündə 50 min turisti qəbul edən bu unikal dağ istirahət guşəsində turistlərə təklif edilən bütün əyləncə növləri yenidir və böyüklərlə yanaşı uşaqların da əylənmələrinə geniş yer verilib: "Ümumiyyətlə 12 növ əyləncə nəzərdə tutulub ki, onlardan 8-i artıq hazırdır. Hər növ hər yaş üçün - 3 yaşdan 6,6- 9 və 9-12 yaşa qədər əyləncələr nəzərdə tutulub".


Məlumat üçün bildirək ki, Şahdağ kompleksində turistlər yay mövsümündə peyntbol oynu-yəni boya buraxan əyləncəli silahlarla oyun, səmtiləşmə, dəyənəklə gəzinti, turotinnets adlanan oturacaqsız velisopedlə gəzinti kimi dağ-yay idman əyləncə növləriylə məşğul ola biləcək.


Qiymətlərə gəlincə bu hələlik tənzimlənməyib. Bu yay mövsümündə Şahdağa qışdakından daha çox turistin gələcəyi gözlənilir.