“Dünyaya gəldiyim gündən bəri 2017-ci ildə olduğum qədər xoşbəxt olmamışdım”.
LİVE.az-ın məlumatına görə, bu sözləri müğənni Afaq Aslan 2018-ci ildə həyata keçirəcəyi işlərdən və şəxsi həyatından danışarkən deyib: “Hər bir qadın xoşbəxt olmağa layiqdir. Etiraf edim ki, bu illər ərzində özümü xoşbəxt hiss etmirdim. İçimdə sanki bir boşluq hiss edirdim. Ta ki, bu ilə qədər, sevgilimi tapana qədər. Bu sevgi mənim həyatımı tam dəyişdi. İlk dəfə idi ki, kimin üçünsə günlərcə ağladım. Amma buna dəyərdi. Bu il mənim yaradıcılıq baxımından da uğurlarım oldu. Türkiyə şirkəti ilə müqavilə bağladım. Bundan başqa qardaş ölkədə aparıcılıq etmək təklifini də dəyərləndirdim. Bütün bu işlərin davamı 2018-də olacaq. Anlayıram ki, mənim gördüyüm işlər bir çoxları narahat edir. Elə mən var olduğum qədər onlar narahat olmağa məhkumdurlar. Üzümüzə gələn il tam fərqli Afaq Aslan görəcəksiniz”.
A.Aslan bildirib ki, 2017-ci ilin ən son fotosessiyasını da etdirib: “Yeni il abu-havasında şəkillərim elə də çox deyil. Ona görə də 2017-ci ildən son xatirə olaraq bu fotosessiyamı etdirdim”.
