Müğənni Emil Bədəlov bir müddət öncə açdığı travel şirkəti fəaliyyətini dayandırması xəbərindən danışıb.
LIVE.az-ın məlumatına görə, “APA TV”-nin “Show time” verilişinə qonaq olan ifaçı bildirib ki, maddi baxımdan ziyana düşdüyü üçün bu biznesini dayandırıb: “Açdığım biznesi də bağladıq. Gördüm ki, ziyana gedirəm, işimi saxladım. Məmndə bir xüsusiyyət var ki, biznesdə ziyana getdiyimi görəndə heç zaman riskə getmirəm. Arxamda külli miqdarda pulum yoxdur ki, bu gün 100 minə yaxın pulu batırım... Ziyana getməkdən əlavə başqa problemlər də yaranmışdı. Ola bilər ki, yaya yaxın yenidən bu biznesimi bərpa edim.
İfaçı bir neçə öncə açdığı çay evinin bağlanması barədə də danışıb: “ İlk dəfə şərikli çay evi açdım, amma şəriklə aramızda yüngül problemlər oldu. Qazanc barədə bəxtim gətirir, amma əlimin duzu yoxdur”.
