Müğənni İzzət Bağırzadə efirlərə tez-tez çıxmamağının səbəbini açıqlayıb.
LIVE.az-ın məlumatına görə, APA TV-nin Show time verilişində qonaq olan ifaçı bildirib ki, bir çox verilişlər onu qane etmədiyi üçün onların təkliflərinə “yox” cavabını verir: “Məhərrəmlik ayına görə efirlərə çıxmırdım. Bundan başqa indi elə verilişlər var ki, özümü orda görmürəm. İki saatlıq verilişdə müğənni 1 mahnı oxuyur. Ümumiyyətlə müğənnini efirə mahnı oxumağa çağırarlar. Bəzən də müğənnini elə mövzulara görə efirə dəvət edirlər ki... Bu da mənim xarakterimə xas deyil. Çünki o mövzularda danışa bilmirəm, sıxılıram. Ona görə də efirlərə getmirəm”.
İ.Bağırzadə onu da əlavə edib ki, verilişlərə dəvət alanda proqramda kiminlə birgə qonq olacağını soruşur: “Əvvəl buna fikir vermirdim, amma indi diqqət edirəm. Verilişdən dəvət gələndə qonaqların da adını soruşuram. İndi Manafla eyni verilişdə qonağıq, fikirlərimiz üst-üstə düşür. Ümumiyyətlə müğənnini efirə çağırmadan öncə maraqlanmaq lazımdır ki, hansı müğənni hansı həmkarı ilə yola gedir. Çünki müğənni var ki, başqa psixologiyadadı, onunla adamın sözü düz gəlmir. Çünki başqa abu-havadadı”.
