Bakı-Qazax yolunda körpü qəzalı vəziyyətə düşüb

Bakı-Qazax magistralının Hacıqabul rayonu ərazisindən keçən körpü-yol ötürücüsündə qəzalı vəziyyət yarandığından, təmirə dayandırılacaq. APA-nın verdiyi məlumata görə, körpünün Bakı-Qazax istiqamətində hərəkət hissəsi təmir üçün yol nişanları ilə bağlanıb. Əraziyə beton konstruksiyalar gətirilib. Yaxın günlərdə konstruksiyaların dəyişdirilməsinə start veriləcək.

Qeyd edək ki, bu yol avtomobillərin, o cümlədən ağır tonnajlı yük avtomobillərinin Bakı, Gəncə, Qazax, Gürcüstan Respublikası istiqamətində və əks istiqamətdə intensiv hərəkət etdiyi yoldur. Son 10 il ərzində üçüncü dəfədir ki, Bakı-Qazax yolunun 116-cı kilometrliyində adı çəkilən körpü-yol ötürücüsünün bir hissəsində beton konstruksiyaların yenilənməsinə qərar verilib.

“Azəryolservis” ASC-nin mətbuat xidmətinin rəhbəri Pünhan Mürsəliyev məsələ ilə bağlı daha sonra geniş açıqlama veriləcəyini bildirib.