"Şakro Molodoy" 9 il 10 ay müddətinə azadlıqdan məhrum edilib

“Şakro Molodoy” ləqəbli kriminal avtoritet Zaxariy Kalaşov 9 il 10 ay azadlıqdan məhrum edilib.

 

APA-nın “life.ru” saytına istinadən verdiyi məlumata görə, müvafiq qərar Moskva şəhər Nikulin rayon məhkəməsində qəbul edilib.

 

Qeyd edək ki, dövlət ittihamçısı onun 10 il azadlıqdan məhrum edilməsini və 700 min rubl (təxminən 12 min dollar) məbləğində cərimələnməsini tələb etmişdi.

 

İstintaq materiallarında qeyd olunur ki, “Şakro Molodoy” kriminal avtoritet Ded Xasanın ölümündən sonra cinayətkar dəstənin lideri olub.