ABŞ Misir sahillərinə hərbi gəmilərini göndərib

ABŞ-ın iki hərbi gəmisi Misir sahillərinə doğru istiqamət götürüb.

APA-nın “İTAR-TASS”a istinadən verdiyi xəbərə görə, bu barədə dəniz piyadalı korpusunun komandanı general Ceyms Amos bəyan edib.

Onun sözlərinə görə, Qırmızı dəniz rayonuna “San-Antonio” və “Kirsarc” desant gəmiləri göndərilib.

“Misir böhran içindədir. Belə şeylər baş verdikdə biz vəziyyəti nəzarətdə saxlamaq üçün müəyyən addımlar atmalıyıq”, deyə Amos qeyd edib. Lakin, o ABŞ-ın məsələ ilə bağlı konkret hansı variantları nəzərdən keçirdiyini açıqlamayıb.

Dəniz piyadalı korpusunun nümayəndələri qeyd ediblər ki, hərbi gəmilərin sahilə yaxın irəliləməsi ehtiyac yarandığı halda helikopter və digər texnikanın istifadəsini asanlaşdıracaq.