Tanınmış azərbaycanlı rəqqasə Fatimə Fətəliyeva yaradıcılıq işlərindən danışıb.
LIVE.az-a açıqlama verən rəqqasə bildirib ki, Azərbaycanın görkəmli oftalmoloq alimi, akademik Zərifə Əliyevanın anadan olmasının 95-ci ildönümü münasibətilə Gəncə Dövlət Filarmoniyasında keçirilən tədbirdə çıxış edib: “Bir rəqqasə kimi bu günə kimi bir çox uğurlarım olub. Amma dövlət tədbirlərində çıxış etmək, vətənimizə lazımlı vətəndaş olmaq, bu bir başqa hissdir. Gəncə Dövlət Filarmoniyasında keçirilən konsertdə möhtəşəm çıxışım oldu. Düşünürəm ki, bu hələ başlanğıcıdır. İnşallah bu yaxınlarda sevənlərimə şad xəbərim olacaq. Bu bir sürpriz olacaq. Gözləsinlər”.
