Emin Ağalarov: “Bu qədər zövq aldığım başqa konsert olmayıb”

“Bakıda verdiyim konsert mənim üçün hər zaman ən önəmli hadisələrdən biri olub. Doğrudur, hər il mən bu səhnədə konsert verirəm, amma bu konsertim qədər zövq aldığım başqa konsert olmayıb”. Bu sözləri iyulun 11-də Yaşıl Teatr səhnəsində növbəti solo konsertini verən müğənni-bəstəkar Emin Ağalarov deyib.


İki saatdan artıq davam edən konsertdə Emin Ağalarov hər albomunda yer alan, eyni zamanda yeni mahnılarını tamaşaçılarına təqdim edib. İstər texniki təchizat, istərsə də səhnə şousu zala toplaşmış tamaşaçılara zövq verib. Eminin səhnəyə motosikletlə çıxması maraqla qarşılanan məqamlardan olub. Müğənni hər konsertində olduğu kimi, bu çıxışında da ustad saydığı Müslim Maqomayevi xatırlayıb, onun “Ax, more more” mahnısını ifa edib. Bu mahnının ifası zamanı səhnədə quraşdırılmış LED ekranda M. Maqomayevin çıxışı nümayiş olunub. Emin konserti izləməyə gələn M. Maqomayevin həyat yoldaşı Tamara Sinyavskayaya təşəkkürünü bildirib və onun bu il yubiley ili olduğunu xatırladaraq sənətçiyə gül dəstəsi hədiyyə edib.


Emin konsertində iştirak edən atası Araz Ağalarovu, anasını və nənəsini də unutmayıb.


Rəngarəng konsertdə Emin yenicə hazırladığı “Amor” mahnısını da izləyicilərə ərmağan edib.


Gecədə “Eurovision-2013” mahnı müsabiqəsində Azərbaycanı təmsil edən və ikincilik qazanan Fərid Məmmədov da səhnəyə çıxıb. O, müsabiqədə ifa etdiyi “Hold me”, eləcə də yenicə yazdırdığı “K tebe” mahnısını oxuyub.


Konsertin sonunda Emin tamaşaçıları ayağa qaldıraraq hər kəsin onunla birgə rəqs etməsini istəyib. Hər bir tamaşaçıya Eminin yenicə işıq üzü görən “Amor” sinqlı hədiyyə edilib.


Qeyd edək ki, Emin iyulun 13-də eyni proqramla “See breeze”də səhnəyə çıxacaq.


Xatırladaq ki, 2 nəfər oxucumuz bizim Facebook səhiməzdən ( www.Facebook.com/wwwLiFeAz ) konkurs qalibi olmuşdur və hədiyyə dəvətnamə almışdır. Konkurs oxucularımız üçün Emin-nin rəsmi fan klubu tərəfindən təşkil edilmişdir.


Şəkillər böyütmək üçün klikləyin:




APA, LiFe.Az, LiVe.Az