ÇL: I təsnifat mərhələsinə yekun vurulub

Çempionlar Liqası: “Qarabağ” ikinci təsnifat mərhələsinə vəsiqə qazanıb


“Qarabağ” bu gün Çempionlar Liqasında I təsnifat mərhələsinin cavab oyununu keçirib.  Azərbaycan çempionu öz meydanında “Olimpiya” ilə qarşılaşıb.

 

Sloveniyada keçirilən ilk görüşdə 1:0 hesabı ilə qalib gələn Qurban Qurbanovun yetirmələri Tofiq Bəhramov adına Respublika stadionunda bu üstünlüklə çıxıb. Matçın ilk dəqiqələrində qonaqlar daha fəal olsa da, “Qarabağ” üstünlüyü ələ almağı bacarıb.

 

Ağdam təmsilçisi daha çox hücum etdiyi qarşılaşmada qapılara qol vurulmayıb. Beləliklə, ilk oyunda qazanılan minimal hesablı qələbə “Qarabağ”ı II təsnifat mərhələsinə daşıyıb. Ağdam təmsilçisi Çempionlar Liqasının II təsnifat mərhələsində Albaniyanın “Kukesi” klubu ilə qarşılaşacaq.

 

 

Çempionlar Liqası

 

I təsnifat mərhələsi (cavab oyunu)

 

18 iyul

 

“Qarabağ” (Ağdam, Azərbaycan) – “Olimpiya” (Lyublyana, Sloveniya) - 0:0
///

Çempionlar Liqasında I təsnifat mərhələsinə yekun vurulub. Cavab oyunları çərçivəsində 6 qarşılaşma baş tutub.

 

Baş tutan matçlardan sonra “Qarabağ”, həmçinin “Astana”, “Şerif”, “Rusenborq”, “Seltik”, Slovakiya “Spartak”ı mərhələ keçib.

 

“Astana”yla “Seltik” hər iki matçda qələbə qazanmaqla turu keçib. “Şerif”lə “Rusenborq” isə ilk oyundakı məğlubiyyətin əvəzini çıxmaqla bunu bacarıb. İlk qarşılaşmada qalib gələn “Spartak”la “Qarabağ” isə heç-heçəylə istəyinə çatıb.


Çempionlar Liqası
 
I təsnifat  mərhələsi, cavab oyunları
 
18 iyul
 
 
“Zrinski” (Bosniya və Herseqovina) - “Spartak” (Slovakiya) - 1:1
 
Qollar: Todoroviç, 56 - Qodal, 15
 
İlk oyun - 0:1
 
 
“Şerif” (Moldova) - “Torpedo” (Kutaisi, Gürcüstan) - 3:0
 
Qollar: Badibanqa, 9, Santos, 40, 55
 
İlk oyun – 1:2
 
 
“Qarabağ” (Azərbaycan) - “Olimpiya” (Sloveniya) - 0:0
 
İlk oyun - 1:0
 
 
“Rusenborq” (Norveç) - “Valyur” (İslandiya) - 3:1
 
Qollar: Bendtner, 55 (pen.), 90 (pen.), Trondsen, 72 - Siqurdson, 85 (pen.)
 
İlk oyun - 0:1
 
 
“Sutyeska” (Monteneqro) - “Astana” (Qazaxıstan) - 0:2
 
Qollar: Despotoviç, 38, Mujikov, 85
 
İlk oyun - 0:1
 
 
“Seltik” (Şotlandiya)  - “Alaşkert” (Ermənistan) - 3:0
 
Qollar: Dembele, 8, 19 (pen.), Forrest, 35
 
İlk oyun – 3:0


APA