Rafet El Romanın konsertində Aygün Kazımova sürprizi

Türkiyənin tanınmış müğənnisi, estrada ulduzu Rafet El Roman azərbaycanlı qızı Ezo ilə Bakıda konsert proqramı ilə çıxış edəcək. Live.az ANS-ə istinadən verdiyi məlumata görə, konsert proqramının özəl qonağı Aygün Kazımovadır.


Konsertin təşkilatçısı, "Səs Muzic Orqanization"un rəhbəri Nahid Emiloğlu tamaşaçıları çox möhtəşəm və fərqli bir şou gözlədiyini bildirdi: "Həmin gün gecənin özəl qonağı Aygün Kazımova olacaq. Rafet El Roman şəxsən özü xalq artistimizi konsertə dəvət edib. Tamaşaçıların nəzərinə çatdıraq ki, bu dəfəki konsert müxtəlif performanslar, sürpriz tamaşalar və gözəl musiqilərlə zəngin olacaq”.


Qeyd edək ki, "Romantik yay axşamı” adlı konsert iyulun 18-i saat 20:00-da Yaşıl Teatrda keçiriləcək. Konsertin biletlərinin qiyməti 20-80 manat arasıdır.