"Roza Zərgərli pulumuzu vermir, bizi hədələyir"

Müğənni Roza Zərgərli konsertində səhnəyə çıxdığı ritm qrupunun pulunu vermir.


LIVE.az  qafqazinfo-ya istinadən xəbər verir ki, bu iddianı “Odlar yurdu” ritm qrupunun rəhbəri Vasif Səmədov səsləndirib.

O, MTV Azərbaycana müsahibəsində Rozanın telefon zəglərinə cavab vermədiyini bildirib:

“Roza xanımın köməkçisi yaxınlaşıb verəcəkləri ödənişinin miqdarını soruşdu. Pul onları qane etmədi. Halbuki çox aşağı bir qiymət demişdik. Konsertdən sonra da hörmətsizlik etdi. Məni gözlətdi, sonra maşına əyləşib çıxıb getdi. Mən başa düşürəm ki, efirdən siz şou göstərirsiz, ona-buna yardım edirsiz. 300-400 manat nə puldu ki, rəqqaslara vermədiz? Heç gözləməzdim”.

Müğənni isə ittihamlara instaqram səhifəsində cavab verib:

“Mən ilk dəfədir belə həyasız adam görürəm. Ya üzr istə yalanına görə, ya da yazışmamızı paylaşacam, biabır olacaqsan. Bu ağılı sənə verən də rüsvay olacaq, ağıllı ol. Eşitdiklərimə şok oldum. Özünü kişi sayanlar reklam tutur. Ağzımı açsam, yerlə yeksan olacaqsan.

Bütün media dostlarım, atdığım addımlara görə sevinirsiz, amma hər yerdə olduğu kimi aramızda xainlər də var. Onlara üzümü tutub deyirəm ki, paxıllıq edəndə ürəyinizdə edin. “Odlar yurdu” söylədiyi 300-400 manatlıq iddia çox gülüncdür. İstirahətdəyəm, bir həftə sonra qayıdıram. Mətbuat konfransı edib yeni layihəmdən danışacam. Həmin qrupun rəhbərini əvət edib maskasını cıracam”.