Rixos Sungate, 26-31 avqust tarixlərində moda dünyasının İngilis nəhəngi Fashion TV tərəfindən təşkil olunan Miss Fashion TV Awards-a ev sahibliyi etdi. 30 ölkədən iştirakçının qatıldığı final gecəsində Moldovanı təmsil edən Gabriela Slivca birinci, Venesuela gözəli Patricia Acosta ikinci oldu. Üçüncü yerin sahibi isə İsrailli Romi Nest oldu.
Avropanın lider əyləncə oteli seçilən Rixos Sungate, dünyanın ən prestijli model yarışmalarından olan Miss Fashion TV Awards-a ev sahibliyi etdi. 30 ölkədən yarışmaya qatılan 30 iştirakçı, finaldan əvvəl 6 günlük düşərgə həyatı yaşadılar. Türkiyə, Rusiya, Qazaxıstan, Ukrayna, Gürcüstan, Azərbaycan, Makedoniya, İngiltərə, Fransa, İsveç, Avstriya, Yunanıstan, İsrail, Argentina və Almaniya başda olmaqla ümumi 30 ölkədən gələn iştirakçılar finala çoxsaylı əyləncəli və idman fəaliyyətlərində iştirak edərək hazırlaşdılar.
Əyləncəli düşərgədən və bir-birindən fərqli fəaliyyətlərdən sonra gözəllər; dərəcə almaq üçün 31 avqust cümə gecəsi podiumdaki yerlərini tutdular. Həyəcanlı anların yaşandığı final gecəsində; Moldovadan Gabriela Slivca birinci, Venesuela gözəli Patricia Acosta ikinci, İsrail gözəli Romi Nest isə üçüncü yerin sahibi oldu. Yarışmada Türkiyəni təmsil edən Rengin Kurt isə Miss Fotomodel seçildi.
Bundan başqa , dərəcə alan ilk 10 model, 7 oktyabrda Şimali Kipr Türk Respublikasında baş tutacaq Fashion TV Model Awards-ın dünya finalına birbaşa iştirak etmə hüququ qazandı.
Fəxri qonaq qismində Jan Klod Van Dam26-31 avqust tarixlərində moda dünyasının gözlərini Antalyaya çevirən təşkilata fəxri qonaq qismində və münsiflər heyətinin üzvü olaraq, döyüş filmlərinin unudulmaz ulduzu və Belçikalı idmançı Jan Klod Van Dam da qatıldı. Miss Fashion TV Awards çərçivəsində Rixos Sungate-ə gələn ulduz həm yerli, həm də xarici turistlərin marağına səbəb oldu, Van Dam sosial şəbəkə hesablarında Antalyadan xüsusi paylaşımlar etdi.
Münsiflər heyətində Jan Klod Van Damla yanaşı, Fashion TV International-ın sahibi Michel Adam, məşhur model Demet Şener, məşhur modelyer və gəlinlik dizayneri Liz Martinez, Rixos Sungate Baş direktoru Derya Billur və Women Milan Agentliyinin rəhbəri Dejan Markovic də iştirak etmişdir.
