Xalq artisti Ağadadaş Ağayev həmkarı Səməd Səmədova “Getmə” adlı mahnı hədiyyə edib.
Bu barədə LIVE.az-a açıqlamasında S.Səmədov deyib. O bildirib ki, bu hədiyyə onun üçün çox dəyərlidir: “Tanıyanlar bilir ki, dünya malında gözüm yoxdur. Həyatın hər üzünü görmüş insanam. Mənim üçün göstərilən diqqət daha önəmlidir. Sənət dostum Ağadadaşın bu hədiyyəsi mənə maşın, ev qiymətindən də bahalıdır. Çünki müğənni üçün ən gözəl hədiyyə elə mahnıdır”.
S.Səmədov onu da əlavə edib ki, sözləri Baba Vəziroğluna, aranjimanı Osmana məxsus olan bu bəstəyə klip də çəkdirib: “Düşünürəm ki, mahnıya uğğun bir klip alınıb. Necə aklındığına isə, sonda tamaşaçılar qiymət verəcək”.
Qeyd edək ki, ekran işinin rejissoru Arzu Abbasovadır.
