Qaraqan təxəllüsü ilə tanınan sevimli ifaçı və populyar yazıçı Elxan Zeynallı öz sənətsevərləri ilə görüş keçirəcək.
Bu haqda Live.az-a Park Cinema-dan xəbər verilib.
Görüş zamanı Qaraqanın yaradıcılığı, kitablarının müzakirəsi və oxuculara maraqlı olan digər mövzular haqqında danışılacaq. Verilən üç ən maraqlı sualın sahiblərinə kinoya bilet hədiyyə ediləcək.
Tədbir zamanı pərəstişkarlar müəllifin imzaladığı Mələk, Evakuasiya və digər romanları əldə edə bilərlər.
Tədbirin sonunda oxucular Qaraqanla birgə "World War Z" 3D filmini izləmək şansını əldə etmiş olacaqlar.
Filmin nümayişi saat 19:00-da kinoteatrın ən böyük zalında baş tutacaq.
Görüş bu gün, 15 iyulda, saat 18:00-da Park Cinema Metro Park-da baş tutacaq.
Qaraqan təxəllüsü ilə tanınan sevimli ifaçı və populyar yazıçı Elxan Zeynallı öz sənətsevərləri ilə görüş keçirəcək. 
