Yıldız Tilbe Bakıda konsert verib

Yıldız Tilbe Bakı Konqres Mərkəzində “Delikanlı” adlı konsert proqramı ilə çıxış edib.

Türkiyənin məşhur  müğənnisi Yıldız Tilbe Bakı Konqres Mərkəzində möhtəşəm konsert verib.

Tanınmış müğənni səhnədə canlı ifaları ilə tamaşaçıları sevindirib.

Öz hitləri ilə yanaşı  Yıldız Tilbe “Bu qala daşlı qala”,”Olmaz olmaz” və “Bir utan, qızına aşıq olarmı adam?” kimi azərbaycan mahnılarını ifa etdi.

“İlk dəfədir ki, Bakıya gəlirəm, buranı və insanlarını çox sevirəm. Mənim qudam azərbaycanlı idi deyə, sizin xəngəl və kətənizdən xəbərim var. Kətəni sizin kimi heç kim dadlı bişirə bilmir.”, - deyə müğənni kətə istədiyini bildirib.

Tamaşaçıları ilə bol şəkil çəkdirən müğənni çılğın rəqsləri ilə gecəyə damğa vurub.

 Yıldız Tilbəni dinləməyə gələnlər arasında Türkiyənin Azərbaycandakı səfirliyinin əməkdaşları, türk tələbələr , həmçinin azərbaycanlı müğənnilərdən - Türkan Əlizadə, Niyam Salami, Zemfira Qurbanova, Kərim Abbasov  da var idi.