Gəncə Beynəlxalq Avtovağzalın tikintisi başa çatdırılıb

Gəncə Beynəlxalq Avtovağzalında son tamamlanma işləri gedir.

Bu barədə 2018-ci ilin 9 ayında şəhərin sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağında bildirilib.

Qeyd olunub ki, 5 hektar ərazidə yeni inşa edilən Beynəlxalq Avtovağzalda tikinti işləri başa çatdırılıb, ərazidə son tamamlanma işləri aparılır.

Avtovağzal 4 min nəfər sərnişin tutumuna malikdir.