Konsertden 1 gün öncə Türkiyənin məşhur aktrisası, "Pantene" brendinin Türkiyə üzrə siması olan Neslihan Atagül Doğulu yenidən Bakıya gəlib.
LİVE.az xəbər verir ki, tanınmış aktrisa “M Group Production” şirkəti təşkil etdiyi "Fairmont Hotel Baku"-dakı mətbuat konfransında media nümayəndələri ilə görüşüb.
Aktrisanın paytaxt səfərinin səbəbi Türkiyənin prestijli "Pantene Altın Kelebek Ödülleri Töreni" ilə bağlıdır. Sözügedən mükafatlandırma Türkiyədə ölkənin tanınmış incəsənət və mədəniyyət nümayəndələrinə verilir. Artıq 2 ildir ki, Azərbaycan da mərasimə qatılır.
Bu il Azərbaycan "İlin qadın müğənnisi" nominasiyası ilə tədbirdə iştirak edəcək. Bu ilin namizədləri sırasında Roza Zərgərli, Aygün Kazımova, Səmra Rəhimli, Günay İbrahimli, Dilarə Kazımova, Aysel Əlizadə, Xatirə İslam var. Qaliblər aylarla gedən səsvermə nəticəsində məlum olacaq. Ən çox səs toplayan ulduza 9 dekabrda Türkiyədə keçiriləcək mərasimdə mükafatı təqdim olunacaq. Layihə ərzində 7 namizəd olan ulduzlar haqqında "Pantene Böyük dəyişim" adlı filmlər hazırlanaraq, Xəzər Tv-də nümayiş olunub.
Neslihan Atagül jurnalistlərin ona ünvanladığı sualları cavablandırıb:
"İkinci dəfə Bakıda olmaqdan çox məmnunam. Bakı təmiz şəhərdir. İnsanlarınız istiqanlıdır. Ət qutabınızı çox sevirəm. Vaxtın az olduğu üçün bu gün geri qayıtmaq məcburiyyətindəyəm. Sabah konsertdə ola bilməyəcəm. Ona görə kiçik bir video çarx çəkdik. Kim layiqdirsə, o da qazansın."
Bundan başqa, aktrisa "Pantene" ilə əməkdaşlıq edən bloggerlərlə "Tea & talk" -da görüşüb.
"Pantene" brendinin rəsmi saç stilisti Önder Tiryaki də Bakının qonağı oldu, o Bakıda master-klass keçirtdi.
2 dekabr 2018-ci il tarixində Elektra Events Hall-da Pantene "Böyük Dəyişim" konserti baş tutdu!
Bu möhtəşəm gecədə Pantene gözəl simaları- Aygün Kazımova, Səmra Rəhimli, Roza Zərgərli, Günay İbrahimli, Dilarə Kazımova, Aysel Əlizadə və Xatirə İslam iştirak etdi. Onlardan yanaşı, Murad Arif, Rauf, Samir Cavadzadə gələn qonaqları öz ifaları ilə sevindirdi.
Konsertə giriş üçün əldə olunan hər bir dəvətnamə həm də təşkil olunan lotereyada oynanıldı və 10 şanslı qalib hədiyyələrlə təltif olundu.
