Bu gün UEFA Çempionlar Liqasının qrup mərhələsinin sonuncu turunun oyunları keçirilib.
LIVE.az xəbər verir ki, bu gecə keçirilmiş qarşılaşmalardan sonra 1/8 final mərhələsinə daha 3 vəsiqə öz sahibini tapıb.
Növbəti mərhələyə İngiltərənin "Tottenhem" və "Liverpul" klubları ilə yanaşı, Fransa PSJ-si də yüksəlib.
Qeyd edək ki, daha əvvəl İspaniyanın "Atletiko", "Barselona" və "Real Madrid", Almaniyanın "Borussiya" (Dortmund), "Bavariya" və "Şalke", İtaliyanın "Yuventus" və "Roma", İngiltərənin "Mançester Siti" və "Mançester Yunayted", Portuqaliyanın "Portu" və Hollandiyanın "Ayaks" klubları 1/8 finala vəsiqəni təmin ediblər.
Türkiyə təmsilçisi "Qalatasaray" "Türk Telekom Arena"da Portuqaliya "Portu"sunu qəbul edib. Görüş qonaqların 3:2 hesablı qələbəsi ilə yekunlaşıb.
Məğlubiyyətə baxmayaraq, "Qalatasaray" qrupda 4 xalla 3-cü yeri tutaraq, Avropa Liqasının 1/16 final mərhələsinə vəsiqə qazanıb.
Avropa Liqasının 1/16 final mərhələsinə "Qalatasaray" ilə yanaşı, İtaliya "İnter" və "Napoli" komandaları, İspaniya "Valensiya"sı, Türkiyə "Qalatasaray"ı, Portuqaliya "Benfika"sı, Belçika "Brügge"si çıxıb.
İkinci oyun günündə Çempionlar Liqasında son vəsiqənin sahibi müəyyənləşəcək.
LIVE.az oyunlarda qeydə alınan nəticələri təqdim edir:
"A" Qrupu"Monako" - "Borussiya Dortmund" - 0:2
"Brügge" - "Atletiko Madrid" - 0:0
| Sıra | Komanda | Oyun | Xal |
| 1. | Borussiya Dortmund | 6 | 13 |
| 2. | Atletiko Madrid | 6 | 13 |
| 3. | Brügge | 6 | 6 |
| 4. | Monako | 6 | 1 |
"B" Qrupu"Barselona" - "Tottenhem" - 1:1
"İnter" - PSV - 1:1
| Sıra | Komanda | Oyun | Xal |
| 1. | Barselona | 6 | 14 |
| 2. | Tottenhem | 6 | 8 |
| 3. | İnter | 6 | 8 |
| 4. | PSV | 6 | 2 |
"C" Qrupu"Srvena Zvezda" - PSJ - 1:3
"Liverpul" - "Napoli" - 1:0
| Sıra | Komanda | Oyun | Xal |
| 1. | PSJ | 6 | 11 |
| 2. | Liverpul | 6 | 9 |
| 3. | Napoli | 6 | 9 |
| 4. | Srvena Zvezda | 6 | 4 |
"D" Qrupu"Qalatasaray" - "Portu" - 2:3
"Şalke" - "Lokomotiv Moskva" - 1:0
| Sıra | Komanda | Oyun | Xal |
| 1. | Portu | 6 | 16 |
| 2. | Şalke | 6 | 11 |
| 3. | Qalatasaray | 6 | 4 |
| 4. | Lokomotiv Moskva | 6 | 3
|
