"Brent" markalı neftin qiyməti 57 dollardan da aşağı düşüb
- 19.12.2018, 09:09,
- Iqtisadiyyat
- 0
Facebook
Вконтакте
Одноклассники
Google+
"Brent" markalı Şimal dəniz neftinin 1 barelinin qiyməti 20 oktyabr 2017-ci il tarixindən bu günədək ilk dəfə olaraq 57 dollardan aşağı düşüb.
Bu, keçirilən hərracların nəticəsində məlum olub.
"Brent" neftinin fevral fyuçerslərinin qiyməti 1 barelə görə 56,97 dollara qədər azalıb.
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti dekabrın 17-də 61,21 dollar/barel təşkil edib ki, bu da ötən həftənin cümə gününə olan göstəricidən 0,81 dollar/barel azdır.
Bu barədə Trend-ə ölkənin neft-qaz bazarındakı mənbə bildirib.
FOB bazisi üzrə Türkiyənin Ceyhan limanında Azərbaycanın yüngül neftinin qiyməti dekabrın 17-də 59,91 dollar/barel təşkil edib ki, bu da əvvəlki qiymətdən 0,8 dollar/barel azdır.
Novorossiysk limanından yüklənən URALS neftinin qiyməti dekabrın 17-də 56,69 dollar/barel təşkil edib ki, Trend-ə görə, bu, əvvəlki qiymətdən 0,75 dollar/barel azdır.
Şimal dənizindən hasil edilən "Brent Dated" etalon növlü neftin qiyməti dekabrın 17-də 58,17 dollar/barel təşkil edib. Bu, əvvəlki qiymətdən 0,99 dollar/barel azdır.
