Rusiya Azərbaycandan keçən bir sıra daşımalar üzrə tarifləri azaldacaq

“Rusiya Dəmir Yolları” 2019-2020-ci illərdə Azərbaycana qara metal və taxıl daşımaları tarifini 50 faiz azaldacaq.

LİVE.az-ın xəbərinə görə, bu barədə Trend şirkətə istinadən məlumat verir.

Məlumatda qeyd olunur ki, söhbət Şimali Qafqaz dəmir yolunun “Samur” ötürmə stansiyasında keçməklə Böyük Kəsik – Qardabani (Gürcüstan) yolu ilə daşınan yüklərdən gedir.

Şirkətdən bildiriblər ki, tariflərin formalaşması dəmiryolu daşımalarının rəqabətqabiliyyətliliyinin artırılmasını nəzərdə tutan marketinq qiymətləndirilməsinə əsaslanıb və bu qərar uzunmüddətli xarakter daşıyacaq.