Sıla Bakıda möhtəşəm konsert proqramı ilə çıxış etdi

29 dekabr "Liatris Holding"in təşəbbüsü, "KEvents Group"un təşkilatçılığı ilə Bakı Konqres Mərkəzində Türkiyənin sevilən ifaçısı Sıla möhtəşəm konsert proqramı ilə çıxış etdi.


Live.az-ın məlumatına görə, Bakıda ilk dəfə konsert proqramı ilə sevnlərinin qarşısına çıxan ifaçı “Ziyan” və “Afitap” mahnıları səsləndirib. Müğənni daha sonra onu dinləməyə gələnləri salamlayıb:


“Səhnə fəaliyyətimin 11-ci ilində görüşdük. Sizlərlə bərabər olduğum üçün çox xoşbəxtəm. Böyük gözlənti və həəslə gəlmişəm. Bundan əvvəl Bakıya 2 dəfə səyahət etmişəm. Amma bu ilk konsertimdir. Bu mənim üçün çox özəl mə sevicli andır. Gecənin gözəl keçməsini ürəkdən istəyirəm. Çox gülərüzlü insanlarsınız. Dünyada bu qədər gülərüz insanı bir arada görmək çox çətindir. Buna görə sizə çox təşəkkür edirəm”.


 Sıla  “Engerek”, “Ateşle oynama”, “Yan benimle”, “Muhbir” ilə yanaşı illər öncə ifa etdiyi “Yara bende”, “Sevişmeneden uyumayalım”, “Dan sonra”, “Kafa”, “Yabancı” və s. kimi hitlərini də səsləndirib.


Gecədə böyük alqışla qarşınan məqam isə Sılanın sevilən azərbaycan mahnısı “Ay qız” ifa etməsi olub.


Konsertin aparıcısı Nəsib Nur olub.