Azərbaycanda şagirdlərin tətil günləri açıqlanıb

Azərbaycan Təhsil Nazirliyi 2013-2014-cü tədris ili üzrə orta məktəblərdə gözlənilən tətillərin günlərini açıqlayıb.


Təhsil Nazirliyindən Trend-ə verilən məlumata görə, dərs ili I siniflərdə 31, II-XI siniflərdə 32 tədris həftəsindən ibarətdir.


Dərs məşğələləri, bir qayda olaraq, sentyabrın 15-də başlayıb mayın 31-də başa
çatır. Dərs ili iki yarımilə bölünür.


Birinci yarımil 15 sentyabr - 29 dekabr, ikinci yarımil 6 yanvar - 31 may tarixlərində olacaq.


Dərs ili ərzində şagirdlər üçün bir necə tətil olacaq. Payız tətili 12-17 noyabr (6 gün), qış tətili 30 dekabr - 5 yanvar (7 gün), I sinif şagirdləri üçün əlavə tətil 12-17 fevral (6 gün), yaz tətili 17-24 mart (8 gün) tarixlərində olacaq.