Azərbaycanda yaşayan Türkiyə vətəndaşlarının sayı açıqlanıb

Azərbaycanda 55 min Türkiyə vətəndaşı yaşayır.

“Report” Türkiyənin “Yeni çag” qəzetinə istinadən xəbər verir ki, bu barədə ölkənin Xarici İşlər Nazirliyindən bildiriblər.

Rəsmi məlumata görə, hazırda 152 dövlətdə 5 milyon Türkiyə vətəndaşı yaşayır. Siyahıda birinci yerdə 2 milyon nəfərlə Almaniya gəlir. İkinci yerdə ABŞ qərarlaşıb. Bu ölkədə 300 min Türkiyə vətəndaşı var.  

Argentinada min, Albaniyada 8 min, Avstraliyada 50 min, Avstriyada 250 min, Bəhreyndə 2 min, Belçikada 240 min, Birləşmiş Ərəb Əmirliyində 14 min, Bosniya-Hersoqovinada 10 min 700, Bolqarıstanda 60 min, Əlcəzairdə 15 min, Çex Respublikasında 3 min 500, Çində 6 min, Danimarkada 75 min, Efiopiyada 2 min, Mərakeşdə 2 min, Fransada 700 min, Cənubi Afrika Respublikasında 3 min 700, Cənubi Koreyada min, Gürcüstanda 22 min, Hollandiyada 500 min, İranda 5 min, İrlandiyada 4 min 500, İspaniyada 7 min, İsraildə 17 min, İsveçdə 62 min 500, İsviçrədə 130 min, İtaliyada 50 min, Yaponiyada 6 min, Kanadada 70 min, Monteneqroda 2 min, Qətərdə 9 min, Qazaxıstanda 20 min, Qırğız Respublikasında 10 min, Kosovada 3 min 500, Küveytdə 7 min, Livanda 15 min, Lüksemburqda min 600, Macarıstanda 3 min, Makedoniyada 12 min, Meksikada 1500, Misirdə 6 min 200, Norveçdə 21 min, Özbəkistanda 2 min, Pakistanda 2 min 500, Polşada 4 min, Rumaniyada 13 min, Rusiyada 40 min, Sudanda 3 min, Səudiyyə Ərəbistanında 60 min, Taylandda 1500, Türkmənistanda 3 min 500, Omanda 2 min 700, Yeni Zelandiyada 2 min, Yunanıstanda 25 min, Ukraynada 20 min, İordaniyada 5 min 500 nəfər Türkiyə vətəndaşı məskunlaşıb.  

Türkiyə XİN-nin məlumatına görə, Butan, Tonga, Tuvaluda Türkiyə vətəndaşları yaşamır. Nazirlik Ermənistan, Paraqvay, Ekvator, El-Salvador, Nigerya, Kabo, San-Marino, Boliviya, Suriya, Monako, Şimali Koreya, Liberiya, Belize, Qaller, İslandiya, Kanarya adaları, Şimali İrlandiya, Yamayka, Honduras, Cənubi Kipr, Barbados, Andorra, Tayvan, Toqo və Uruqvayda yaşayan Türkiyə vətəndaşları barədə statistikanı isə açıqlamayıb.