Elmar Məmmədyarov: "Ermənistanın son bəyanatları heç də sülhə yönəlik deyil"

"Ermənistanın son bəyanatları heç də sülhə yönəlik deyil".

"Report" xəbər verir ki, bunu Azərbaycanın xarici işlər naziri Elmar Məmmədyarov ATƏT-in fəaliyyətdə olan sədri, Slovakiya XİN başçısı Miroslav Layçakla görüşdən sonra keçirilən mətbuat konfransında bu yaxınlarda Ermənistanın Milli Təhlükəsizlik Xidmətinin sədri Artur Vanetsyanın bəyanatlarını şərh edərkən deyib.

"Ermənistandan gələn belə bəyanatlara təəccüblənirəm. Sülhə hazırlaşmalıyıq və bunun üçün əlimizdən gələni edirik. Onların bəyanatları isə heç də sülhə yönəlik deyil. İnsanları nəyə hazırlamalı olduğumuzu dəqiq bilməliyik", - nazir bildirib.