Azərbaycanda “Peugeot”un yeni modeli istehsal ediləcək

"Neftçala Avtomobil Zavodunda “Peugeot” markalı avtomobilin daha bir modelinin istehsalı planlaşdırılır".

LİVE.az xəbərinə görə, bunu “Report”a açıqlamasında “Azərmaş” ASC-nin İdarə Heyətinin sədri Emin Axundov deyib.

Onun sözlərinə görə, yeni avtomobilin istehsalı 2019-cu ilin ortaları üçün nəzərdə tutulub: “Təxminən, üç ay sonra “Peugeot 207” modelinin istehsalına başlamağı düşünürük. Bu avtomobillər avtomat ötürücü qutusu ilə təchiz olunacaq və qiyməti, təxminən, 17 500 manat civarında olacaq”.

“Azərmaş” rəsmisi bildirib ki, yeni avtomobilin digər özəlliyi onun “Peugeot” adı ilə satışa çıxarılmasındadır: “Hazırda istehsal edilən “Peugeot 406” avtomobili həm “Peugeot”, həm də “Hazar” adı istifadə edilir. Amma bu modeldə yalnız “Peugeot” adından istifadə ediləcək”.