Moskvada məşhur azərbaycanlı repçinin evi qarət olunub

Rusiyanın Azərbaycan əsilli repçisi "Bahh Tee"nin (əsl adı Bəxtiyar Əliyev) Moskvanın Veyernaya küçəsində yerləşən mənzili qarət olunub.

LİVE.az report-a istinadla xəbər verir ki, bu barədə bazar günü hüquq-mühafizə orqanlarındakı mənbəyə istinadən TASS məlumat yayıb.

"Oğurluq martın 9-u günorta saatlarında baş verib. Mənzildən 4,2 milyon rubl (60 min 638 dollar) oğurlanıb", - deyə agentliyin həmsöhbəti bildirib.

Paytaxt polisindən verilən məlumata görə, faktla bağlı Cinayət Məcəlləsinin 158-ci maddəsinin 4-cü bəndi üzrə cinayət işi açılıb.