Ticarət mərkəzində baş verən yanğının ilkin səbəbi açıqlanıb
Bakıdakı “Diqlas” Ticarət Mərkəzində baş verən yanğının ilkin səbəbi açıqlanıb.
Ticarət mərkəzinin sahibi “Report”un hadisə yerində olan əməkdaşına bildirib ki, yanğın yaxınlıqdakı dönərxanadan başlayıb.
Dönərxanada partlayışdan sonra başlayan yanğın əvvəlcə ticarət mərkəzindəki paltar mağazalarına keçib, sonra isə alov binanı bürüyüb.
///
/// 11:35
Bakıda ticarət mərkəzindəki yanğının söndürülməsinə 2 helikopter cəlb olundu
Bakı şəhərinin Nizami rayonu ərazisində ticarət və digər təyinatlı obyektlərin yerləşdiyi ərazidə davam edən yanğının söndürülməsinə Fövqəladə Hallar Nazirliyinin Aviasiya dəstəsinin 2 ədəd helikopteri cəlb olunub.
///
Bakıda ticarət mərkəzində baş vermiş güclü yanğının söndürülməsinə helikopter də cəlb olunub.
Trend xəbər verir ki, bu barədə Fövqəladə Hallar Nazirliyi məlumat yayıb.
Qeyd olunur ki, Bakının Nizami rayonu ərazisində ticarət və digər təyinatlı obyektlərin yerləşdiyi ərazidə davam edən yanğının söndürülməsinə FHN-in Aviasiya dəstəsinin helikopteri cəlb olunub.
///
Fövqəladə Hallar Nazirliyi (FHN) Bakıda ticarət mərkəzindəki güclü yanğınla bağlı məlumat yayıb.
Məlumatda deyilir: "Fövqəladə Hallar Nazirliyinin "112" qaynar telefon xəttinə Bakı şəhərinin Nizami rayonu ərazisində ticarət və digər təyinatlı obyektlərin yerləşdiyi ərazidə yanğın baş verməsi barədə məlumat daxil olub. Çağırış ünvanına cəlb olunan Fövqəladə Hallar Nazirliyin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin xilasediciləri tərəfindən yanğınsöndürmə işləri və digər təxirəsalınmaz tədbirlər görülür. Əlavə məlumat veriləcək".
///
Bakının 8-ci km qəsəbəsindəki "Diqlas" ticarət mərkəzində güclü yanğın baş verib.
Trend-in məlumatına görə, yanğın dükanlardan birində qeydə alınıb.
Yanğın ticarət mərkəzinin 4-cü mərtəbəsinədək yayılıb.
Hadisə yerinə 10-dan çox yanğınsöndürən briqada cəlb olunub.
