Azərbaycan Mərkəzi Bankı qızıl və gümüşdən hazırlanmış yubiley və xatirə pul nişanlarının qiymətini açıqlayıb.

LİVE.Az xəbər verir ki, ən bahalı pul nişanı qızıldandır, çəkisi 10 unsiya təşkil edir, qiyməti isə 24 min manata yaxındır.

1996-cı ildən etibarən ölkənin görkəmli şəxsiyyətlərinə, tarixinə, mədəniyyətinə, incəsənətinə, eləcə də, ictimai-siyasi və tarixi proseslərini əks etdirən mövzulara aid, müxtəlif qiymətli metallardan hazırlanmış yubiley və xatirə pul nişanlarının sayı ümumilikdə 22-dir.

Bunların arasında ümummilli lideri Heydər Əliyevin anadan olmasının 90 və 95 illik yubileyinə, Azərbaycanın dahi şairi Məhəmməd Füzulinin həyat və yaradıcılığının 500 illiyinə, Azərbaycanın dövlət müstəqilliyinin bərpa edilməsinin iyirminci ildönümünə, Milli mətbuatın 135 illik, Mərkəzi Bankının 20 illik yubileyinə, Naxçıvan MR-nın 85 və 90 illiyinə, eləcə də, müasir tariximizin ən böyük nailiyyətlərindən olan Əsrin Müqaviləsi, TANAP, Azerspace-1, Bakı-Tbilisi-Qars layihələrinə və I Avropa oyunlarına, Azərbaycan Xalq Cümhuriyyətinin yaradılmasının 100 illiyinə həsr olunmuş yubiley və xatirə pul nişanları var.

Hazırda satışda olan yubiley və xatirə pul nişanları və onların qiymətləri

Yubiley və xatirə pul nişanları	Buraxılış ili	Metalı	Çəkisi	Satış dəyəri (manat)
Ulu Öndər Heydər Əliyev- 90 il	2013	qızıl	1 unsiya	2507.61
Ulu Öndər Heydər Əliyev- 90 il	2013	qızıl	10 unsiya	23976.07
Ulu Öndər Heydər Əliyev- 95 il	2018	qızıl	1 unsiya	2507.61
Ulu Öndər Heydər Əliyev- 95 il	2018	qızıl+platin	1 unsiya	2500.0
Ulu Öndər Heydər Əliyev- 95 il dəst	2018	qızıl+platin	2 unsiya	5300.0
Azərbaycan Xalq Cümhuriyyəti-100 il dəst	2018	qızıl	2.25 unsiya	6000.00
Azərbaycan Xalq Cümhuriyyəti-100 il	2018	qızıl	1 unsiya	2507.61
Azərbaycan Xalq Cümhuriyyəti-100 il	2018	qızıl	3/4 unsiya	2100.0
Azərbaycan Xalq Cümhuriyyəti-100 il	2018	qızıl	1/2 unsiya	1500.0
Naxçıvan MR yaranması - 85 il	2009	gümüş	1 unsiya	99.76
Naxçıvan MR yaranması - 90 il	2015	qızıl	1 unsiya	2507.61
Məhəmməd Füzuli	1996	gümüş	28.28 qr	38.76
Dövlət Müstəqilliyinin 20 illiyi	2011	qızıl	1 unsiya	2507.61
Mərkəzi Bankının 20 illiyi	2012	gümüş	1 unsiya	86.76
Milli Mətbuatının 135 illiyi	2010	gümüş	1 unsiya	112.76
“Bakı Tbilisi Qars” dəmir yolu	2015	gümüş	1 unsiya	85.76
“Əsrin müqaviləsi”nin 20 illiyi	2016	qızıl	1 unsiya	2507.61
“Əsrin müqaviləsi”nin 20 illiyi	2016	gümüş	1 unsiya	85.76
“Azərspace” telekommunikasiya peyki	2016	gümüş	1 unsiya	85.76
TANAP layihəsi	2016	gümüş	1 unsiya	85.76
“Bakı-2015 Avropa oyunları”na həsr olunmuş (gimnastika, güləş, kanoe, oxatma, suya tullanma)	2015	gümüş	1 unsiya	85.76
“Bakı-2015 Avropa oyunları”na həsr olunmuş (gimnastika, güləş, kanoe, oxatma, suya tullanma)	2015	kupronikel	1 unsiya	22.0

Yubiley və xatirə pul nişanlarını əldə etmək istəyən vətəndaşlar Mərkəzi Bankın Elektron Xidmətlər portalında “Elektron müraciətlər sistemi”nə daxil olaraq sifariş edə, eləcə də, Mərkəzi Bankın əsas inzibati binasında və ərazi idarələrində yerləşən kassa xidmətinə müraciət edərək əldə edə bilər.