Təhsil Nazirliyi: Məktəblərdə pəncərələrin bağlanması məlumatı yalandı

Bakıda fəaliyyət göstərən orta məktəblərin pəncərələrinin ləğv edilməsi barədə məlumat yayılıb.

Məlumatda bildirilir ki, guya 162 saylı orta məktəb şagirdi Elina Hacıyeva özünü məktəbin pəncərəsindən ataraq intihar etdikdən sonra Təhsil Nazirliyi bu barədə qərar verib .

Məsələyə münasibət bildirən Təhsil Nazirliyinin mətbuat xidmətinin rəhbəri Cəsarət Valehov Trend-ə açıqlamasında faktı təkzib edib. O, bildirib ki, Təhsil Nazirliyi bu barədə hər hansı qərar və ya göstəriş verməyib: "Məlumat tam yalandır. Heç bir orta məktəbdə pəncərələrin bağlanması prosesi yoxdur".