Ruhani: İran Fars körfəzinin dənizçilik üçün etibarlı yol olmasına çalışır

İran İslam Respublikası Oman körfəzi, Fars körfəzi və Hörmüz boğazının beynəlxalq dənizçilik üçün etibarlı və təhlükəsiz yol olmasına çalışır.

Trend-in məlumatına görə, bunu İran Prezidenti Həsən Ruhani Omanın xarici işlər naziri Yusif Bin Ələvi ilə görüşdə deyib.

H.Ruhaninin sözlərinə görə, regionda xarici qüvvələrin iştirakı təhlükəsizliyə kömək etməyəcək. O bildirib ki, xarici qüvvələrin iştirakı bölgədə gərginliyin əsas səbəbidir:

“Böyük Britaniyanın İrana məxsus neft tankerini Cəbəllütariq boğazında saxlaması qeyr-qanunidir və Britaniya üçün heç bir faydası olmayacaq”.